Collige, Virgo, Rosas

carpe diem ဆိုရေ လက်တင်စကားစုကို 23 BC မှာဟိုးရေ့စ် Horace ရီးရေ တမ်းခြင်းကဗျာစု Odes မှာ စသုံးခပါရေ။ယင်းမတိုင်ခင်ကပင် အေသဘောတရားကတော့ခါ ကဗျာနယ်မှာ ဟိနီပီးသားလို့လေ့ ပြောကတ်ပါရေ။ ကမ္ဘာ့ အစောဆုံးကဗျာတိထဲ တပုဒ် ဖြစ်တေ Gilgamesh မှာတောင်တွိရေ ဆိုပါရေ။ 'အေနိကို ခူးဆွတ်ပါ နက်ဖန်ဆိုစော်ကို အတတ်နိုင်ဆုံး အနည်းဆုံး ယုံ/မျှော်" carpe diem, quam minimum credula postero. ဆိုပနာ ဟိုးရေ့စ်ကရီးခပါရေ။ အင်္ဂလိပ်တိက carpe diem ကို seize the day လို့ ဘာသာပြန်ကတ်လေ့ဟိပါရေ။ကိုယ့်စကားနန့် အလွယ်ပြောရဖို့ဆိုကေ အေနိ ကို မလွတ်တန်းအသုံးချကတ် ဆိုစော်မျိုး ပြောရဖို့ထင်ပါရေ။ပစ္စုပ္ပန်ကို တည့်တည့်ရှူ ဆိုစော်မျိုးနန့် ဆင်ပါဖို့။ အတိတ်ကို ဆွေးမနီကေ့ အနာဂတ်ကို တွေးမနီကေ့ ဆိုရေ သဘော။ နောက်ပိုင်းမှာ လက်တင်ကနီ အင်္ဂလိပ်သို့ ဘာသာပြန်အလွဲ ဆိုပနာလေ့ ပြောကတ်စော်တိဟိပါရေ။ carpe ဒါရိုက် အဓိပ္ပာယ်က pick or pluck ခူးရေ ဆွတ်တေ လို့ဆိုပါရေ။အေမှာလေ့ အရာ သဘောကွဲကတ်စော်က မမှည့်ခင် ခူးလား ...

ကမ္ဘာ့နိဂုံး ရတု

ကမ္ဘာ နိဂုံးချုပ်တေနိမှာ ပျားတစ်ကောင်က ကလိုဘာပင်ကို ပတ်လို့ပျံနီရေ ငါးဖောက်သည် တစ်ယောက်က အရောင်တလက်လက် ပိုက်ကို ဖာနီရေ ပျော်ကြီးကျ လင်းပိုင်တိ ပင်လယ်မှာ ခုန်နီကတ်တေ ရီတရှောက်ဘေးမှာ စာစိကေတိ ကစပ်နီကတ်တေ ရက်ပြတ် ဖြစ်သင့်ရေ အတိုင်းဗျာလ် မြွီက ရွှီရောင် အရီခွံနန့် ကမ္ဘာ နိဂုံးချုပ်တေနိမှာ မိန်းမတိ ထီးဆောင်းပျာလ် လယ်ပြင်သန်းနီကတ်တေ ယစ်ဖွေတစ်ယောက် မြက်ခင်း အစွန်မှာ အိပ်ငိုက်နီလီရေ ဟင်းသည်တိ လမ်းထက်မှာ အော်ရောင်းနီကတ်တေ ရွက်ဝါလောင်းတစ်စင်း ကျွန်းနားသို့ ပါးလာရေ တယောသံ တစ်သံ လီထဲမှာရွှင့်လို့ ကြယ်ပေါက်ညဉ့် တစ်ညဉ့်သို့ထိ ဆောင်လာရေ လျှပ်စီး နန့် မိုးကြိုးကို မျှော်ခရေလူတိ စိတ်ပျက်လားခကတ်တေ နမိတ်ကြီး နန့် တမန်တော် တံပိုးကို မျှော်ခရေလူတိ စိတ်ပျက်လားခကတ်တေ ခု ဖြစ်ပျက်နီဗျာလ် ဆိုစော်ကို မယုံကတ် နီ နန့် လ အထက်မှာ ဟိနီသမျှ ပျားပတုံးတိ နှင်းဆီဘားသို့ ရွာလည်နီသမျှ အချေရဲရဲချေတိ မွီးနီနီသမျှ ခု ဖြစ်ပျက်နီဗျာလ် ဆိုစော် တစ်ယောက်လေ့ မယုံကတ် ခေါင်းဖြူဝါကြီးတစ်လုံးရာ ပရောဖတ်ဖြစ်ဖို့လူ ခုတော့မဖြစ်သိ သူကလေ့ ကောင်းအလုပ်များနီရေ ခရမ်းချိုင်သီးကို စည်းယက်ပင်း တပြတ်ပြတ်ပြောနီရေ ကမ္ဘာမှ...

ယစ်နီ

ရက်ပြတ် ယစ်နီရဖို့။လုပ်ဖို့ဟိစော်က ယင်းချင့်ဗျာလ်၊တခုထဲသောနည်းလမ်းဗျာလ်ချင့်။မင်းခါးကိုကုန်းပါအောင်၊မြီကို ငုံ့လီအောင်ပျင်ရေ အချိန်ကာလ၏ကြောက်ကောင်းထမန့် အလီးကိုမခံစားမိဖို့ မင်း ရက်ပြတ် မတန့်တန်းယစ်နီရဖို့။ ယေလေ့ ဇာချင့်နန့်လဲ။ ဝိုင်၊ကဗျာ၊သုစရိုက် မင်းခြီစော်နန့်ဗျာလ်ယေ။ယစ်လို့ကတော့ နီရဖို့။ တခါတလီ နန်းတော်လှီကားထစ်ထက်မှာ၊ကျင်းက မြက်တောစိမ်းထက်မှာ မဟုတ်တာ့ ဆွေးဖို့ကောင်းရေ နှုန်းချင်းထဲ မင်းအခန်းထဲမှာ မင်းပြန်ပနာ နိုးလာလတ်ခါ အယစ်လျော့နီ ပြေနီဗျာလ် ဆိုကေ လီကို၊ လှိုင်းကို ၊ကြယ်ကို၊ငှက်ကို၊နာရီကို၊ပျံနီစော်အားလုံးကို၊ ကြိုင်းနီစော်အားလုံးကို၊လိမ့်နီစော်အားလုံးကို၊ဆိုနီစော်အားလုံးကို၊ ပြောနီစော်အားလုံးကို ဇာအချိန် ဟိဗျာလ်လေမီးကြည့်၊ လီ လှိုင်း ကြယ် ငှက် နာရီရို့က ဖြေကတ်လိမေ "ယစ်ဖို့ အချိန်ကျဗျာလ်၊အချိန်ကာလမှာ အာဇာနည်ကျွန်မဖြစ်လီဖို့ ယစ်နီ၊ရက်ပြတ် ယစ်နီ။ဝိုင်နန့် ဖြစ်ဖြစ် ကဗျာနန့်ဖြစ်ဖြစ် သုစရိုက်နန့်ဖြစ်ဖြစ် မင်းခြီစော်နန့်ဗျာလ်ယေ။ Be Drunk

အဦးဆုံး သဖန်းသီး

ငါ့ဖယောင်းတိုင်က အဖျားနှစ်ဘက်လုံးက လောင်နီရေ ညဥ့်ခါသားတော့ ခံလီဖို့မဟုတ် အဝေ ငါ့ရန်သူရို့ အဝေး ငါ့မိတ်ဆွေရို့ ယေလေ့ ချစ်ကောင်းထမန့်တော့ လင်းနီရေနန်း First Fig My candle burns at both ends; It will not last the night; But ah, my foes, and oh, my friends– It gives a lovely light. Edna St. Vincent Millay

အေနိ ပြုံးနီရေ ပန်း

အေနိ ပြုံးနီရေ ပန်း နက်ဖန်ခါ သီဖို့ ငါရို့ ဆက်ဟိစီချင်စော်တိ အားလုံး သွီးဆောင်ကတ် ပြီးကေ ပျံလားကတ်တေ ဒေလောကသုခက ဇာလေ ညဥ့်ကို နှပ်တေ လျှပ်စီး ထိန်ပါကေလေ့ တချက်ချေ သုစရိုက်၊ ဇာပိုင် ပျက်လွယ်လေချင့် မိတ်သဟာယ၊ ဇာပိုင် ယှားလီလေ့ချင့် မိတ္တာ၊ ဂုဏ်မောက်တေ အပူဝေဒနာအတွက် သနားကောင်းထမန့် အပျော်ကိုရာ ဇာပိုင် ပီးလီလေချင့် ယင်းချင့်တိက ချက်ချင်း ပျက်စီးလားကတ်ကေလေ့ သူရို့ဘားက အပျော်နန့် ငါရို့ အပိုင်ဆိုစော်အားလုံး ငါရို့ဘားမှာ ရှင်ခံကျန်ခရေ အာကာတိက ပြာလွင် တောက်ပနီချိန် ပန်းပွင့်တိက မြူးပျော်နီကတ်ချိန် ပြောင်းလဲတတ်တေ မျက်လုံးတိက ညဥ့်မကျခင် နိဘက်ကို ပျော်အောင်ပျင်နီချိန် ငြိမ်ဆိတ်တေ အချိန်က တိတ်တိတ်ချေ လာနီချိန် အိမ်မက်မက်ဖို့ ပြီးကေ အအိပ်ကနီ နိုးပါလတ်ဖို့ ငိုဖို့။ ရှယ်လီ Carpe diem Seize the Day Poetry 1

တခုကျောက်တုံးအတွက်လေ့ မဟုတ်တေ သင်္ချိုင်းစာ

မီဆိုအက် က ငါ့ရွာ၊ ညဥ့်ဆန်ရေ အသံဝဏ္ဏ သုံးလုံး နီမျက်နှာကို တ၀က်အုပ်ထားရေ အရိပ်မျက်နှာဖုံး။ ဖုန်တိမ်တိ လာပနာ ရွာကို စားပစ်ကတ်တေ။ ငါက ပြီးလို့လွတ်ခပနာ ကမ္ဘာကိုပတ်လို့လားရေ။ စကားလုံးတိက ငါ့အိမ်၊ လီက ငါ့ သင်္ချိုင်းဂူ။ အော်တားဗီးယိုး ပါ့ဇ် Epitaph for no stone

လှိုင်းကာကျောက်တုံး

၁ ပန်းပွင့် ငိုသံ၊ စူးထစ်၊သွား၊အူသံတိ အသားစား ဗလာနတ္ထိနန့် သူ့ကမောက်ကမ အေပန်းပွင့်ရိုးရိုးချေရှိမှာ ယင်းချင့်အားလုံးပျောက်လားခရေ ၂ သူ(မ) ညဉ့်တိုင်း ရီတွင်းထဲကို သူဆင်းရေ နောက်နိမိုးထတိုင်ကေ ပြန်လို့စီပေါ်လာရေ လက်မောင်းမှာ မြွီအသစ်တကောင်စီနန့် ၃ အတ်ထုပတ်တိ သူဖြစ်နိုင်ခစော်တော့ခါ မဟုတ် သူဖြစ်ခစော်ရာ သူဖြစ်ခစော်က သီပျာလ် ၄ ညဉ့်ခါသား ခေါင်းလောင်းတိ အရိပ်လှိုင်းတိ အကန်းလှိုင်းတိ မီးလောင်နီရေ နဖူးထက်မှာ ငါ့စိတ်ကူး အတွက်ရီ ၅ တံခါးမှာ လူတိ၊ စကားလုံးတိ၊ လူတိ ငါ တွန့်ဆုတ်နီခရေ ထိုးအထက်မှာ လ၊ နှုန်းချင်း ၆ အမြင် ငါ့မျက်စိကို မှိတ်လိုက်တေအခါ ငါ့ကို ငါမြင်ရေ နီရာ ငါ ဟိနီစော်နန့် မဟိနီရေနီရာ ၇ မြင်ကွင်း အတန့်မရ အလုပ်များနီရေ ပိုးကောင်တိ နီရောင် မြင်းတိ မိုးရိပ်အရောင် မြည်းတိ မိုးရိပ်တိ၊ တခုအလီးလေ့ မဟိရေ ကျောက်ဆောင်ကြီးတိ ရွှီမှုန်ကြဲ အာကာတိပိုင် တောင်တိ ချောင်းချေမှာ ရီသောက်နီကတ်တေ အပင်တအုပ် ယေမှာ သူရို့အားလုံး ဟိနီကတ်တေ ယေမှာ ဟိနီရစော်မှာ သာယာလို့ အေမှာ ငါရို့မဟုတ်တေလူတိလေ့ ငါရို့မဟုတ်ပဲနန့် ဒေါသ၊ အမုန်း အစားခံရရေ အချစ် ၊သီမင်းရို့ဘားမှာ ငါရို့အစားခံလို့ ၈ စာမတတ်ပေမတတ် ငါ အာကာကို မျက်နှာမော့ကြ...

ဖောဌဗ္ဗ

ငါ့ လက်တိ နင့်ဖြစ်မှု လိုက်ကာတိကို ဖွင့်လိုက်တေ ပိုလို့ လင်းကြဲကျအောင် နင့်ကို ဝတ်ပီးရေ နင့်ခန္ဓာ၏ ခန္ဓာတိကို ခွါရေ ငါ့လက်တိ နင့်ခန္ဓာအတွက် အခြားခန္ဓာတစ်ခုကို ဖန်တီးရေ Touch OctavioPaz

ကလေး

သမီး*ရဲ့ ကြည်လင်တဲ့မျက်လုံးက ခြောက်ပြစ်ကင်း လှပတဲ့ အရာတခု။ အဲမျက်လုံးလေးကို အရောင်နဲ့ ဝမ်းဘဲတွေနဲ့ အမေဖြည့်ပေးချင်တာ။ တိရစ္ဆာန်ဥယျာဥ် အသစ် သူတို့ရဲ့ နာမည်တွေကို သမီးက စွဲနေအောင် မှတ်နေမှာ (နှင်းပန်းဖြူ**၊ မှိုပန်းဖြူ***) အတွန့်အလိပ်တွေမရှိတဲ့ ညှာတံကလေး ရေကန်ကလေး အဲမှာ ထင်နေတဲ့ပုံရိပ်တွေက ခမ်းနားရမှာ ဂန္ထဝင်ဆန်နေရမှာ။ သောကနဲ့ ဂနာမငြိမ်ဖျစ်ညှစ်နေတဲ့ ဒီလက်တွေ ကြယ်လေးတလုံးတောင်မရှိတဲ့ ဒီမှောင်မှောင်မဲမဲ မျက်နှာကြက်တွေ ရှိမနေသင့်ဘူးလေ။ ChildBySylviaPlath * မူရင်းမှာYourသားရယ် သမီးရယ်လို့ ဖော်ပြမထား **April Snowdrop အဘိဓ္ဓါန်လာမှာ နှင်းခေါင်းလောင်းပန်း အနောက်ဘက်အယူမှာ ဒီပန်းကPurity Innocenceစတာတွေကို ကိုယ်စားပြုတယ် ဆိုတယ် ***Indian pipes မှိုနွယ်ပန်းတမျိုး ကဗျာရဲ့ အမှောင်ခြမ်းက အဲမှာစတယ် ဆိုရမယ် IPကိုGost Plant Corpse Plant လို့လဲခေါ်ကြတယ်

အသီမွီး

အေကဗျာတိ မရှင်ပျာလ် ၊ ဝမ်းနည်းဖို့ကောင်းရေ ဆီးစစ်ချက် သူရို့ ခြီချောင်း လက်ချောင်းချေတိ အင်တန် ဖွံဖြိုးခပျာလ် သူရို့ နဖူးချေတိ ပြည့်တင်းလို့ မောက်နီခပျာလ် အရာလူရို့ပိုင် လမ်းလျှောက်လားခွင့်နန့် လွဲခရကေလေ့ ယေစာရေ အမိအချစ်မဟိလို့တော့ခါ မဟုတ်ပါဝေ သူရို့ ဇာတိဖြစ်လားခလေ အကျွန်နားမလည် ပုံစံ အရေအတွက် အစိတ်အပိုင်းတိုင်း ပုံမှန်ပါရာ စိမ်ရည်ထဲမှာ ကောင်းအလှပချေ ထိုင်နီကတ်တေ သူရို့ ပြုံးကတ် ပြုံးကတ် ပြုံးကတ်တေ အကျွန့်ကို ပြုံးကတ်တေ ယေလေ့ အဆုတ်တိက ပြည့်ဖောင်းမလာ နှလုံးက စလို့ အလုပ်မလုပ်ခဝေ သူရို့မှာ ဝက်ပယှောင် ငါးပယှောင် အနံအသက်မျို းဟိကေလေ့ သူရို့က ဝက်တိမဟုတ် ငါးလေ့မဟုတ်ပါဝေ သူ့ရို့ အသက်ရှင်ခကေ ပိုကောင်းဖို့ ဟုတ်တေ ရှင်ခရဖို့ သူရို့ ပေါပေါနှမ်းနှမ်းနန့် ငေးလို့ရာကြည့်နီကတ်တေ ယေလေ့ သူရို့ကသီခပျာလ် သူရို့အမိလေ့ သောကဟုန်နန့် သီဖို့မတတ် သူရို့ သူ(မ)အကြောင်းမပြောပြနိုင်ကတ် Sillborn by Sylvia Plath

ပျားသေတ္တာ *ရောက်တေ

အေချင့်ကို အကျွန်မှာထားစော်၊ အေသစ်သေတ္တာ သန့်သန့်ချေကို။ ခုံတခုံပိုင် လေးထောင့်၊ ထမ်းဖို့ပင် လီးရေ။ လူမှင်စာချေတယောက် အခေါင်း၊ လေးထောင့်အချေတယောက် အခေါင်းလို့ အကျွန်ပြောမိလီဖို့၊ ယင်းသေတ္တာထဲမှာ အေပိုင် ကျွကျွဆူသံရာ မဟိခကေ။ သေတ္တာကို လက်ခုပ်သီးခပ်ထားရရေ၊ အန္တရာယ်များရေ။ ယင်းသေတ္တာနန့် အကျွန်တညဥ့်လုံးနီလီရဖို့ ၊ အဝီးက ခွာလို့ကလေ့ မနီနိုင်။ ပြတင်းပေါက်တိမပါလို့ အထဲမှာဇာတိဟိလီလေ အကျွန်မမြင်ရ။ ဇကာချေတခုရာပါရေ ၊ထွက်ပေါက်ကမဟိ။ ဇကာနားကို မျက်စိကပ်လို့ကြည့်လိုက်တေ၊ မိုက်နီရေ မိုက်နီရေနှုန်း။ ပြည်ပကိုပို့ဖို့အတွက် အငယ့်ချေကျုံ့ထားရေ အာဖရိကန်လက်တိ၊ အမဲထက်မှ အမဲဆင့်လို့၊ ဒေါသတကြီးနန့် ရပိုင်တွယ်တက်နီကတ်တေ အစုလိုက် အကျိုင်လိုက် ခံးစားချက်မျိုး။ သူရို့ကို အကျွန်ဇာပိုင် ရွှတ်ပီးရဖို့။ အရာစော်တိအားလုံးထက် အကျွန့်ကို အခြောက်ဆုံးက ဆူသံဗျာလ်။ ဇာတိမှန်းမသိရေ အသံတိ။ ရောမသား သောင်းပြောင်းတကျိုင်ပိုင်၊ လုံးချင်းစီဆိုကေ အငယ့်ချေ၊ စုကျလားခကေတော့ ဘုရားတရားပျာလ်။ ဒေါသထွက်နီရေ လက်တင် စကားသံကို နားစိုက်ထောင်ကြည့်ရေ၊ အကျွန်က ဆီဇာ...

ဌာနီကို စွန့်လို့ခွါရေ

"နင် အေနီရာမှာ နီလို့ ကောင်းရိုင်းပါလတ်ပျာလ်။ နင် အေကထွက်လားသင့်ရေ အချိန်ကျနီပျာလ်။ "လို့ ကျနော့်အမိကပြောရေ။ "ဇာကိုလားရဖို့လဲ ဗန်နီဇွဲလားကိုလာ" "မဟုတ် ဗန်နီဇွဲလားကိုတော့မဟုတ် အခြားတနီရာကို ။ ဗန်နီဇွဲလားကို နင်ခြီချစော်နန့် နင့်ကို ထောင်ထဲကို တန်းလို့ ပို့လိုက်ကတ်လိမေ။ ငါ နင့်အကြောင်းကိုလေ့ သိရေ ဗန်နီဇွဲလားအကြောင်းကိုလေ့ သိရေဟေး မရ အရာတနီရာကိုပို့ရဖို့" "ဟုတ်ပျာလ် ယကေ မေမေရာ စဉ်းစားလို့ ဆုံးဖြတ်လီဖိ" "ငါ ပဏ္ဍိတ်ဘားကို လားလို့ ပြောခီရဖို့ သူက နင့်အဖ သူငယ်ချင်း နင် အေက လားမှရာ ဖြစ်ဖို့ပျာလ် နင်ကောင်းရိုင်းပါလတ်ပျာလ်။" ကျနော့အမိပြောစော် မှန်လီပါဖို့။ အလှပသတိမထားမိကေလေ့ ကျနော် ဆကေရိုင်းပါလတ်စော်တော့ အမှန်။ အရက်ကိုလေ့ ကျွဲရီသောက်ပိုင် သောက်တတ်ပါလတ်တေ။ တခြားစော်တိလေ့ အများကြီးတတ်ပါလတ်တေ။ အရက်က ကာစတင်ရုံးက စသောက်တတ်စော်။ ယင်းမှာက အကြောင်းဆကေဟိစော်နန့် အရက်တိကို သိမ်းလို့ရစော်ကို။ ပထမခါ အရက်နံ့ရကေ ကျနော် ဆကေပျို့ချင်အန်ချင်ပိုင်ဖြစ်တေ။ ယကလေ့ ကျနော်က ကိုယ့်ဖို့အားတင်းရေ။ "အေတောင်ကို ငါကျော်နိုင်ဖို့စော်ရာ ဆီးသောက်ပိုင်သောက်ရဖို့ နှခေါင်းမော့...

ကြွက်

နီသာရေ မိုးထသားအတွင်းထဲသို့ ဝင်လိုက်တေ။ ကျွီးသံကို ရက်ပြတ် ကြားနီရပိုင်ပျာလ်။ ကျွီးသံက ကောင်းကောင်းပင်ကျယ်ခါ ငါရို့မကြားနိုင်ကတ်။ ညက ညဉ့်အမှောင်က ကျွီးသံကို လွတ်ပီးလိုက်တေ။ အေနိမိုးထမှာကျခါ ကျွီးသံအဖြူက ပြန့်လားခရေ။ပြီးကေ လီထဲမှာ စုပါလတ်တေ။ အား အား အား အား။ ညဉ့်သန်းခေါင်မှာ မီးထွန်းကတ်စော်က အမှောင်ကို ဇာလောက်နာကြင်စီလေဆိုစော်ကို လူတိသိကတ်ယင့်လား။ ယေဇူးနန့်က ငါ့မှာ ညဉ့်ကျလာကေတောင်မီးကိုမဖွင့်ဝံ့။ ပထမဆုံးနှင်းကျရေ နိမှာ ငါ့ ခန္ဓာကို ရိုက်မှန်တင် ကြည့်ရေ။ ပြီးကေ တွိသမျှ လူတိုင်းကို ငါလိုက်မီးရေ။ နင့်အူအတွင်းထဲမှာ နင်မီးထွန်းဖူးလာ။ အရည်ထုနန့် အမှောင်က အူအတွင်းထဲမှာ မတန့်တန်းလာနီရေ....အေချင့် ငါ့အနှစ်သာရလား။ ငါ့အမှောင်အတွင်းထဲမှာ မီးကိုဖွင့်လိုက်ကေ ငါက အချုပ်ခံရရေ ပိုးကောင်ချေပိုင် တစီစီမြည်ရေ။ စီ စီ စီ စီ ။ပြီးကေ ငါ့ ခေါင်းကို ရမိရရာ ခါရေ၊ ငါ့နှုတ်သီးနန့်အမဲကြိုးတပင်ကို နှောင်းနှောင်းကိုက်ထားမိရေ။ ဖြုန်းခနဲနန့်ပင် အလင်းထိုးခံရစော်နန့် တွားလားကောင်ကနီ ပက်လက်လှန်ခံထားရေ ပိုးကောင်ချေ ဖြစ်အောင်ထိ ငါ ကျုံ့လားခရေ။ ငါ့ ဂုဏ်သိက္ခာက အတွင်းထဲက အမှောင်ပျာလ်။ ဂုဏ်သိက္ခာက အမှောင်အတွင်းထဲမှာ ပုန်းနီလီလာ...

နရူဒါပဉှာ (က)

I ဇာအတွက်နန့် ဧရာမလီပျံတိက သူ့ရို့အချေတိနန့် တူတူမပျံကတ်စော်ရောင်။ ဇာငှက်အဝါက သူ့အသိုက်ကို သံပရာသီးတိနန့် ဖြည့်ထားရောင်။ နီရောင်ကနီ ပျားရည်စုပ်ဖို့ ဇာအတွက်နန့် ဟေလီကော်ပတာတိကို မသင်ပီးကတ်စော်ရောင်။ အေနိညဥ့်ခါ သူ့ဂျုံမှုန့်အိတ်ကို လဇနီက ဇာမှာ ထားပစ်ခရောင်။ Il ငါက သီလားခပြီကေ သီပျာလ်ဆိုစော်ကို မသိကေ အသူ့ကို ငါက အချိန်ကို မီးရဖို့ရောင်။ ပြင်သစ်က ဇာနီရမှာ နွီဦးမှာ အရွက်တိ အများကြီးဟိတတ်ရောင်။ ပျားအလိုက်ခံရရေ မျက်ကန်းတယောက်က ဇာနီရာမှာ နီလီနိုင်ဖို့ရောင်။ အဝါအရောင် ကုန်လားခကေ ဇာချင့်နန့် ငါရို့ ပေါင်မုန့်ဖုတ်ကတ်ဖို့ရောင်။ III ငါ့ချက်ပြော၊ နှင်းဆီက လင်းကြဲလား ယင်းချင့်ကပင် သူ့အဝတ်အစားလား။ သူရို့အမြစ်တိ၏ ခမ်းနားမှုကို ဇာအတွက်နန့် အပင်တိက ဝှက်ထားကတ်စော်ရောင်။ ခိုးလားနီရေ ဂါရီ၏ နောင်တတိကို အသူ ကြားရောင်။ မိုးရီထဲမှာ တန့်နီရေ မီးရထားတစီးထက် ပိုလို့ဝမ်းနည်းစော် ကမ္ဘာမှာ အရာဇာဟိသိရောင်။ IV ကောင်းကင်ဘုံမှာ ဘုရားကျောင်း ဇာနှစ်ကျောင်းဟိရောင်။ မျက်နှာပြောင်ရေ အချက်ပြဥသြကို ဇာအတွက်နန့် ငါးမန်းက မတိုက်ခိုက်ရစော်ရောင်။ မီးခိုးက မိုးရိပ်တိနန့် စကားပြောလာ။ ငါရို့ဆန္ဒတိကို နှင်းရည်လောင်းပီးရဖို့ဆိုစော် ...

ဒေမြို့က အီးဆေး

မြစ်ချေတမြစ်၊ ပြီးကေ တံတားတစင်း ယင်းချင့်ပြီးကေ အိမ်အဖြူတတန်း အသေအချာညိထားရေ မြက်ခင်းတိနန့်။ ပြီးကေ ခြီခွင်ခွင်နန့် ခွီးဝတုတ်တကောင် လမ်းအစပ်ကနီ အီးလို့ လမ်းလျှောက်လာနီရေ သတင်းစာတစောင် ပါးစပ်မှာ ကိုက်ယူလာယက်ပင်း။ ချားလ်စ်ဆီမိချ် -============= ကျနော်ရို့ ကြည့်ဖူးနီကျ အမေရိကန်ကားတိမှာပါရေပိုင်မျိုး ညီညီညာညာစီနီရေ လုံးချင်းအိမ်တိ ယင်းအိမ်တိရှိက အသေအချာ ညိထားရေ မြက်တောပြင်တိ။ ဇာထူးဆန်းလေ။ အားလုံး သပ်ယပ် အီးချမ်းလို့။ ခွီးတောင်မှာ ဟန်တခွဲသားလမ်းလျှောက်နီလီသိယင့်။ တခုရာ ယင်းခွီးက သတင်းစာ တစောင်ကို ကိုက်လာနီရေ။ ယင်းသတင်းစာမှာ ဇာတိပါလေ။ မသိ။ဒေမြို့က အီးဆေးဆိုကေ အရာမြို့တိကဝေါ်။ ဘဇောင်လေ။ သတင်းစာ တီဗီလိုင်းတိက ဆီမိချ်ကဗျာတိမှာ တွိရတတ်တေ သိင်း တခု မီဒီယာတိက ပုံဖော်ရေပိုင် ကျနော်ရို့ မြင်ရရေ ကမ္ဘာ့ဇာတ်ကြောင်းတိ ဒုက္ခ သုခတိ

တယောက်ယောက် ခြံနောက်ဖေးမှာ

ဇာပိုင်လှရေ မြင်ကွင်းလဲချင့် သမီးရည်းစားနှစ်ယောက် ဝိုင်သောက်ကတ်၊နမ်းနီကတ်စော် မြင်ရစော် နောက်ခြီထောက်လို့ရပ်နီရေ ခွီးတကောင် ခုံထက်ကအစာအကျန်တိကို တောင်းနီရေ In Someone's Backyard Charles Simic

ငြင်း

ခွာတကောင်ပိုင်ဖြူရေ လျှို့ဝှက် ကမ်းခြီထက်မှာ မွန်းတည့်ကျာကျာမှာ ငါရို့ ရီငတ်နီခကတ်တေ ယေလေ့ ရီက သောက်မရရေ ဆားငံရာ ရွှီရောင် သဲပြင်ထက်မှာ သူမနာမည်ကို ငါရို့ရီးခကတ်တေဝေါ် ယေလေ့ ပင်လယ်လီညှင်းအတိုက်မှာ ရီးခရေစာက ပျောက်ခပျာလ် ဇာ စိတ်ဓာတ် ဇာ နှလုံးသား ဇာ ဆန္ဒ ရမ္မက်တိနန့် ငါရို့ဘဝကို ငါရို့နီခကတ်လေချင့် အမှားရာ ယေနန့် ငါရို့ဘဝကို ငါရို့ပြောင်းပစ်ခကတ်တေ Denial by G Seferis

အရာ တဖဲ့ချေလောက်ဗျာလ်

အရာ တဖဲ့ချေလောက်ဗျာလ် ပန်းပွင့်နီရေ အေမွန်*ပင်တိကို နီရောင်မှာတောက်နီရေ မာဘယ်**ကျောက်တိကို ပင်လယ်ကို၊ အလိပ်လိပ်လှိုင်းတိကိုမြင်ရဖို့ အရာ တဖဲ့ချေလောက်ဗျာလ် ငါရို့အရာဆကေမြင့်မြင့် ရပ်ကတ်မေ။ Just a little more By George Seferis *Almond အပင်တိကို လို့လေ့ ဖြုတ်ဖတ်လို့ရဖို့ ** Marble အလှကျောက်တိကို လို့လေ့ ဖတ်လို့ရဖို့

အအိပ်မရောက်

ညဉ့်သန်းခေါင်မှာ ငါ့ ဖာသာငါ မီးကြည့်ရေ ချီလီ ဇာဖြစ်လာဖို့လဲ ငါ့ နွမ်းနွမ်း မိုက်မိုက် တိုင်းပြည် ဇာတိဖြစ်လာဖို့သိလဲ ဒေ ပါးပါးရှည်ရှည် သင်္ဘောကို ဒေ ကျောက်တုံးတိကို ဒေ လယ်ကွက်ချေတိကို ကမ်းရိုးတန်းက ဒဏ်ခံနိုင်ရေ နှင်းဆီိကို ရီမြုပ်လှိုင်းတိကြားက အသက်တိကို ကောင်းချစ်မိရေ ကျေးဇူးကြောင့်နန့် ငါ့ပြည်နန့် ငါက တသားထဲဖြစ်ခ ငါ့ပြည်မှာ သား တစ်ယောက်ချင်းစီကို ငါတွိခ ငါ့ထဲမှာ ငိုယင်း ပန်းပွင့်ယင်းနန့် တရာသီပြီးကေ တရာသီ နန်းတက်ခကတ်တေ။ သံသယ နှစ်ကာလအသီ လွန်ရုံရာသိ ငါရို့အားလုံးကို သွီးယိုစီခရေ အမှားတိ လွန်လို့ ပိုကောင်း ပိုမျှတရေ ဘဝတခုအတွက် အစီစိုင်ချဖို့ ကြံကတ်တာသိ ခြိမ်းခြောက်စော်က အရာတခါ ပြန်ပေါ်လာ ထရံတိထက်မှာ မြင့်တက်လာရေ အငြိုးမာန်တိကို ငါ အခု ခံစားနီမိပျာလ်။ နရူဒါ Insomnia

ခရမ်းချိုင်သီး တမ်းခြင်း

ခရမ်းချိုင်သီးလက်သုပ် ရဆီပီ တခုပိုင်လောက် သဘောထားပနာ ဖတ်ကေလေ့ ရဖို့ ကမ္ဘာသစ် ကမ္ဘာဟောင်းကွဲနီရေ စပိန်စကားပြောကမ္ဘာ ကမ္ဘာနီရာ မျိုးစုံက ပြောင်းလာကတ်တေလူတိနန့် တည်ဆောက်ထားရေ လက်တင်အမေရိက ချီလီပြည် ဗဟုယိုင်ကျေးမှုဟာမိုနီ လို့ ငံပြာရည်သမားစိတ်နန့် ဖတ်ချင်ဖတ် ပုံသဏ္ဍာန်အရ တမင် fragmantationပျင်ထားစော် ခရမ်းချိုင်သီး တမ်းခြင်း .......................... လမ်းမှာ ခရမ်းချိုင်သီးတိနန့်အပြည့်၊ မွန်းတည့်၊ ဆောင်းနှောင်း၊ နီရောင်က ခရမ်းချိုင်သီး တလုံးပိုင် နှစ်ခြမ်းခြမ်းလို့၊ သူ့အရည်တိ လမ်းတိတလျှောက် စီးနီရေ။ ဒီဇင်ဘာမှာ၊ အလျော့မပီးပဲနန့်၊ ခရမ်းချိုင်သီး မီးဖိုခန်းသို့ ကျူးကျော်လာ၊ ထမင်းစားချိန်မှာ ဝင်လာ။ အန်ဒမာရီတိထက်မှာ ဖန်ခွက်တိ၊ ထောပတ်ပျာလာတိ၊ ဆားခွက်တိကြားမှာ အီးအီးလူလူ နီရာယူ။ ကိုယ်ပိုင် အလင်းနန့် အရောင်ဖြာလို့ အနုစား မဟာဆန်မှု။ ကံဆိုးစွာနန့် ငါရို့ သူ့ကို သတ်ရဖို့၊ ဓား သက်ဟိအသားထဲသို့ မြုပ်ဝင်၊ ကလီစာ အနီ အီးမြ နီတစင်း၊ လေးလေးနက်နက်၊ မကုန်မခန်း၊ ချီလီက ဟင်းလက်သုတ်တိမှာ နီရာယူ။ ကြက်သွန်နီအကြိုင်နန့် ပျော်ပျော်ရွှင်ရွှင် သူ နှင်းစပ်၊ ပြီးကေ ပေါင်းစည်းမှုကို ဂုဏ်ပြုဖို...

အဝိုင်းခံထားရရေ မြို့က အစီအရင်ခံစာ

အရာလူရို့ပိုင် သေနတ်ကိုင်ပနာ စစ်တိုက်ဖို့ အသက်က ကြီးလားခပျာလ်ဆိုခါ မှတ်တမ်းတင်သားအဖြစ် အဆင့်နိမ့်ရေတာဝန် ထောက်ထောက်ညှာညှာနန့် သူရို့ငါ့ကို ပီးခကတ်တေ အမှန်က အတိအကျဖြစ်ရဖို့မလားယေ ယေကေလေ့ ငါကမသိလိုက်ပျာလ် ကျူးကျော်စော်က ဇာ အချိန်က စခလေ အယင် နှစ်နှစ်ရာကလား ဒီဇင်ဘာမှာလာ စက်တင်ဘာမှာလာ မဟုတ်တာ့ ညက အရုဏ်တက်မှာလာ အချိန်နန့်ဆိုင်ရေ အသိအာရုံပျောက်စော်ကို ဒေကလူတိ အားလုံး ခံစားနီကတ်ရယင့် ငါရို့မှာ ကျန်စော်ဆိုလို့ နီရာ နန့် နီရာကို ကပ်ငြိစော်ရာ ဟိပျာလ် ဘုရားကျောင်း အပြိုအပျက်တိ ဥယျာဉ် နန့် အိမ်ရို့ ဝိဥာဉ်တိကိုတော့ခါ ငါရို့ စိုးမိုးထားတုန်းသိ ဒေ အပျက်အဆီးတိကိုရာ ငါရို့ဆုံးခရကေ တခုလေ့သော့ ကျန်လီဖို့မဟုတ်ပျာလ် မပြီးနိုင် မဆုံးနိုင် ငြီးဖို့ကောင်းရေ အပတ်စဉ်အလိုက် ရစ်သန်နန့် ငါ နိုင်ဆီရီးရေ တနင်္လာ ဂိုဒေါင်တိ ပြောင်သလင်းခါ ကြွက်တစ်ကောင်ရေ ငွေကြေးလည်ပတ်မှု ယူနစ်ဖြစ်လာ အင်္ဂါ အသူမှန်းမသိရေ လက်သည်တိဘားမှာ မြို့ဝန်မင်း အသတ်ခံရ ဗုဒ္ဓူး အပစ်တန့်ကတ်ဖို့ စေ့စပ် ရန်သူက ငါရို့ဆက်သားတိကို ဖမ်းထား...

တခန်းရပ်

ပင်လယ်ကမ်းစပ်မှာ ငါရို့ လမ်းလျှောက်ကတ်တေ ရှိကျရေ အပြန်အလှန်စကား အဖျားနှစ်ဘက်ကို လက်ထဲမှာ နောင်းနောင်းကိုင်လို့ - နင် ငါ့ကို ချစ်လာ - ငါ မင်းကို ချစ်တေ သမ္မာကျမ်းစာ နှစ်စောင် နက္ခတ်ဆရာတိ တမန်တော်တိ ဥယျာဥ်က ဒသနဆရာတိ ကျောင်းတော်က ဒသနဆရာတိ သူရို့အားလုံး အသိပညာတိကို မျက်မှောင်ကြုံ့ပနာ ငါ သံခိပ်ချုပ်လိုက်တေ အချုပ်က အေပိုင်မျိုး - မငိုကေ့ - သတ်တိဟိပါ - အရာလူတိ ဇာပိုင်လေ ကြည့် နင်က နှုတ်ခမ်းချေ စူပနာပြောရေ - မင်းက ဘုန်းကြီးဝတ်ရဖို့စော်ရာ ညီးရေ လားလီဖိ ကိုယ်ကျင့်တရားသမားတိကို တယောက်ကမချစ် ပင်လယ်သီချေ ကမ်းစပ်မှာ ငါ ဇာပြောရဖို့လဲ အအီး အအီးနန့် ပျောက်လားခရေ ခြီရာတိမှာ ရီပြည့်ပါလတ်တေ။ Episode Zbigniew Herbert

တံခါးခေါက်ကွင်း

သူရို့ခေါင်းထက်မှာ ဥယျာဥ်တိကို ပျိုးထားရေ လူတိဟိရေ။ လမ်းတိက သူရို့ဆံပင်တိကနီ နီသာရေ မြို့ ဖြူဖြူတိဘားကို ဦးတည်လို့ လားနီရေ။ သူရို့အတွက် စာရွီးရစော်ကလွယ်ရေ။ သူရို့မျက်စိတိကို မိတ်လိုက်စော်နန့် ချက်ချင်း နမိတ်ပုံတိ အအုပ်လိုက် သူရို့ နဖူးတိကနီ စီးပါလတ်ကတ်တေ။ ကျနော့် စိတ်ကူးစိတ်သန်းတိကျခါ ဘုတ်ပြားတပြား ကျနော့် တခုထဲကိရိယာက သစ်သားတုတ်တချောင်း။ ကျနော် ဘုတ်ပြားကို သတ်ကေ ဘုတ်ပြားက ပြန်ဖြေရေ။ ဟုတ်တေ ဟုတ်တေ မဟုတ် မဟုတ် အရာလူတိမှာ အပင်ခေါင်းလောင်းစိမ်းတိ ရီခေါင်းလောင်းပြာတိ ကျနော့်မှာကျခါ မထိမ်းမကာပဲထားရေ ဥယျာဥ်တိက တံခါးခေါက်တေ ကွင်းတကွင်း။ ဘုတ်ပြားကို တဗုန်းဗုန်းသတ်ကေ သူက ချက်ချင်းပြန်ဖြေရေ ကိုယ်ကျင့်တရားဝါဒီတိ၏ ကဗျာခြောက်ခြောက်ကပ်ကပ်နန့်။ ဟုတ်တေ ဟုတ်တေ မဟုတ် မဟုတ် A Knocker By Zbigniew Herbert

လှီကားထိပ်က

ဟုတ်တေ လှီကားထိပ်မှာ ရပ်နီရေ လူတိက သိကတ်တေ သူရို့ အားလုံးကိုသိကတ်ပါရေ အကျွန်ရို့ကျခါ တမျိုး ရင်ပြင်တိမှာ အိမ်လှဲလှဲရေလူတိ ပိုကောင်းရေ အနာဂတ်တခုဘားမှာ ပြန်ပီးဆွဲခံရရေလူတိ လှီကားထိပ်မှာ ရပ်နီရေ လူတိက အကျွန်ရို့ဘားကို မပေါ်လာသလောက် (ပေါ်လာပြန်ကေလေ့) ယှူးတိုးတိုးချေဆိုရေ လက်ညိုးက ရက်ပြတ် သူရို့ပါးစပ်ရှိမှာ အကျွန်ရို့က စိတ်ရှည်ပါရေ အကျွန်ရို့အိပ်သျှင်မတိက တနင်္ဂနွီမှာဝတ်တေ အဝတ်အစားတိကို အပေါက်ဖာကတ်တေ အကျွန်ရို့က ရိက္ခာရာသျှန် ဘော်လုံး ဖိနပ်စျီးနှုန်းတိအကြောင်းကို ပြောကတ်တေ စနီနိမှာ ခေါင်းကို နောက်လှန်ထားပနာ သောက်ကတ်ယက်ပင်းလေ လက်သီးတိကို တင်းတင်းဆုပ်ကတ် ချိုင်ကြိုးတိကို ဒေါသနန့်ခါကတ် သူပုန်ထဖို့ တိုက်တွန်းကတ်ယက်ပင်း အပြင်းအထန်စိတ်တက်ကြွပနာ စကားတိပြော မီးခွန်းတိထုတ်ကတ်တေ မတန့်တန်း စကားပြောကတ် မီးခွန်းထုတ်ကတ်တေ လူတိကမဟုတ် အကျွန်ရို့က သူရို့ဝါထုက အေပိုင် ငါရို့ လှီကားထက်ကို ပြီးတက်ကတ်ဖို့ မုန်းတိုင်းတိုက်ပိုင် သူရို့ ဖမ်းပလိုက်ဖို့ လှီကားထိပ်က လူရို့မှာ ခေါင်းတိ လှီကားအတိုင်း လိမ့်လို့ဆင်းလာဖို့ နောက်ဆုံးမှာ ငါရို့စိုက်ကြည့်ကတ်ဖို့ ယင်းအမြင်...

ဒေသနာကျမ်းမှာ မြစ်ဖျားခံရေ ခေတ်ပေါ်ကဗျာတိ ၁

ဘဝ ကိစ္စတိုင်းအတွက် အချိန်ဟိရလောက်အောင်ထိ တစ်ဘဝစာမှာ လူတစ်ယောက်အတွက် အချိန်ကမဟိ ရည်ရွယ်ချက်တိုင်းအတွက် တစ်ရာသီစီရရလောက်အောင်ထိ လူတစ်ယောက်မှာ လုံလောက်တေ ရာသီတိမဟိ ဒေသနာကျမ်း ယင်းချင့်မှာ မှားရေ လူတစ်ယောက်က တချိန်ထဲမှာ ချစ်ဖို့ နန့် မုန်းဖို့လိုရေ မျက်လုံးတစုံတည်းနန့် ရယ်ဖို့ နန့် ငိုဖို့လိုရေ လက်တစုံတည်းနန့် ကျောက်ခဲကိုဝေးပစ်ဖို့ ကောက်ဖို့လိုရေ စစ်ပွဲမှာ ချစ်ဖို့နန့် ချစ်ပွဲမှာ စစ်တိုက်ဖို့လိုရေ အစီစဉ်ချဖို့နန့် ဂျီဝိဂျီဝါဖြစ်နီဖို့လိုရေ သမိုင်းက နှစ်တိ နှစ်တိအများကြီးပျင်ခစော်ကို အစာခြီဖို့လိုရေ လူတစ်ယောက်မှာ အချိန်ကမဟိ ပျောက်လားခခါ လိုက်ရှာရေ ရှာလို့တွိခါ မိကျရေ မိကျခခါ ချစ်လာရေ ချစ်လာခခါ မိဖို့စပျင်ရေ သူ့ဝိဥာဉ်က သမ္ဘာရင့်ပြီးသား သူ့ဝိဥာဉ်က ကောင်းပင် ပြိုဖန်သျှင်နယ်ကျရေ သူ့ ခန္ဓာကရာ အမြဲတမ်း အပျော်တမ်းသမား စမ်းကြည့်လိုက် လွဲလားလိုက် မရေမရာဖြစ်လိုက်နန့် တခုကိုလေ့ မတတ်ခ သာယာမှုနန့် နာကြင်မှုမှာ ယစ်မူးပနာ မမြင်မကန်းနန့် ဆောင်းဦးသား သဖန်းသီးတိပိုင် သူသီဖို့ သူကိုယ်တိုင်နန့် အချိုဓါတ်အပြည့်နန့် ရှုံ့လို့ မြီထက်မှာ ပိုလို့ခြောက်လာနီရေ အရွက်တိ အရွက်မဟိရေ အကိုင်းတိ က က...

ပုဂ္ဂလိကဖွင့်အန် ကဗျာဆရာမနှစ်ယောက်နန့် အက်ဖရတ်စတိကဗျာတိ အပိုင်း က

ပုဂ္ဂလိကဖွင့်အန်ကဗျာConfessional Poetry စော် ၁၉၅၀-၆၀ကာလတိက အမေရိကန် ကဗျာလောကမှာ လူသိများလာရေကဗျာအမျိုးအစားတခုလို့ဆိုရပါဖို့။ ကဗျာဆရာ၏ပုဂ္ဂလိက ခံစားမှုတိ ဘဝဖြတ်သန်းမှုတိ အနာတိကို ဖွင့်အန်ရီးကတ်တေကဗျာမျိုးလို့ အကြမ်းပြောလို့ရပါဖို့။ကဗျာထဲမှာ "ငါ "ကိုရှာ ကတ် "ငါ"ကို ဖော်ထုတ်ကတ်တေလို့လေ့ ပြောလို့ရပါဖို့။ Robert Lowell John Berryman Slyvia Plath Anne Sexton ရို့ က အများသိရေ CPကဗျာဆရာတိလို့ပြောလို့ရပါဖို့။ CP လွှမ်းမိုးမှုက ခုထိ ကဗျာဆရာ တချို့ကို လွှမ်းမိုးမှုဟိနီသိရေလို့ဆိုကတ်ပါရေ။ Ekphrastic Poetryကတော့ခါ အမြင်အနုပညာတမျိုးမျိုး(ပန်းချီ၊ရုပ်ထု)ကို အခြီခံလို့ စိတ်ကူးဆက်ပွားပနာ ရွီးရေ ကဗျာမျိုးလို့ အလွယ်ပြောရဖို့ထင်ပါရေ။ "ယှင်းလင်းတင်ပြရေ" လို့ ယေဘုယျ ပြောကတ်ကေလေ့ တခါတလီမှာ ကဗျာဆရာတိက ပန်းချီဘောင်ထက် အများကြီးကျော်ထွက်လားစော်တိလေ့တွိရတတ်ပါရေ။ ဥရောပအစိုင်အလာ မှာတော့ခါ EPကို ထိုးခေတ်ဟောင်း ဂရိကဗျာတိအထိ ခြီရာခံလို့ရရေဆိုပါရေ။ CPကဗျာဆရာမနှစ်ယောက်က အရာလူတယောက် ဆွဲထားရေ ပန်းချီထဲမှာ သူရို့ "ငါ" ကို ဇာပ...

အိုက်စကရိန်း ဧကရာဇ်

ဆီးသားလိပ်ကြီးတိ လိပ်တေ အားလာကြီးကိုခေါ်လိုက် ပြီးကေ မီးဖိုခန်းက ခွက်ထဲမှာ ရမ္မက်ကြွ နို့ချိုင်ကိုမွီခိုင်း ကလေ့မေချေရို့က ဝတ်နီကျအဝတ်တိ ဝတ်ပနာ ပျိုင်းပျိုင်းရိရိ လမ်းသလားနီကတ်ပတ်စီ ကလေချေရို့က အယင်လက သတင်းစာတိနန့်ပတ်ပနာ ပန်းတိကို ယူလာကတ်ပတ်စီ ဖြစ်နီစော်ရေ ထင်မြင်မှု အဆုံးသတ်ခန်း ဖြစ်ပါစီ တယောက်ထဲသော ဧကရာဇ်က အိုက်စကရိန်း ဧကရာဇ်ပါရာလေ ဖန်လက်ကိုင်ဘု သုံးလုံးမဟိရေ သစ်ဖြူ အန်ဒမာရီထဲက တခါက ငှက်ရုပ်တိပန်းထိုးထားခရေ အချာဟတ်ကိုယူ ပြီးကေ သူ့မျက်နှာကို ဖုန်းဖို့ ယင်းအဟတ်ကို ဖြန့်လိုက် အသားမာတက်နီရေ သူ့ခြီထောက်တိ အပြင်ထွက်ကျန်ခစော်က သူ ဇာလောက်အီးစက်နီလေ အသံတိတ်နီလေဆိုစော်ကို ပြစော်ရာဟိလီဖို့ မီးအိမ်က သူ့အလင်းကိုသူ တွယ်ကပ်ထားပါပတ်စီ တယောက်ထဲသော ဧကရာဇ်က အိုက်စကရိန်း ဧကရာဇ်ရာလေေ................................ Emperor of Ice Cream Wallace Stevens ေဝါေလ့စ်ဆတီဗန် က အနောက်မော်ဒန်မှာ ဆရာတဆူ ဗမာဆရာတိ မိတ်ဆက်စော်ကောင်းမတွိ ဆိုခါ ကိုယ့်ဘားမှာ အသိဆကေနည်းရေ ကဗျာရေ ဆင်ခြင်ဥာဏ်နန့် ထောက်ဆစော်ကို ခုခံနိုင်ရဖို့ဆိုရေ ဝေါလေ့စ်ကဗျာကို ပြန်မိစော်က ကြိုက်လွန်းလို့ရာ အပြည့်အဝတော့ ကိုယ့်စကားနန့် မဖမ်းဆုပ်နိုင် အားလာကြ...

ယင်းတယောက်

နင့်အချေမှာ နာမည်မဟိ နင့်ဆံပင်မှာ အရောင်မဟိ နင့်မျက်နှာမှာ အသားမဟိ နင့်တိုင်းပြည်မှာ အလံဆယ်လံ နင့်အသံမှာ လျှာမဟိ နင့်စိတ်ကူးတိက မြွီပိုင် လျှောလားနီရေ နင့်မျက်လုံးတိက မလိုက် နင်က ပန်းစည်းတိကို စားရေ ထရံကြားမှာ သီးပေါက်တေ ခွီးတိကို အဆိပ်လူးထားရေ အမဲသားဝေးကျွေးရေ တင်းပုတ်တလက်နန့် လက်ကြားတိထဲမှာ ယောင်နီရေ နင့်ကို ငါမြင်ရေ ဇာသူ့ကိုမဆို ထိုးဖို့ ဓါးတလက်နန့် နင့်ကို ငါ မြင်ရေ နှလုံးသားတခုအတွက် ငါးခေါင်း လည်ရောင်းနီရေ နင့်ကို ငါမြင်ရေ မီးဆွဲတံကုဋေကုဋာ မီးတောက်တိနန့် နီပြင်းနီချိန် နောက်ဆုံးပေါ် တေးခြင်းတပိုဒ်ကို ညီးပနာ လက်ထဲမှာ အရက်တခွက်ကိုင်လို့ စားဖိုခန်းကနီ နင်လမ်းလျှောက်လို့ဝင်လတ်ဖို့ အနီရောင်အဝတ်ကျပ်ကျပ်ကို ဝတ်ပနာ ငါ့ကို ပြုံးပြယင်းနန့်လေ သာမန်တော့ မဟုတ် That One by Charles Bukowski

ငါလူတယောက်ကို သိရေ

အချစ်ခင်းခရေ အခန်း ပြတင်းကနီ မြင်ရရေ မြင်ကွင်းကိုကျ ဓါတ်ပုံရိုက်ပနာ ယေမှာ သူချစ်ခရေ မိန်းမကိုကျကေ ဓါတ်ပုံမရိုက်တေ လူတယောက်ကို ငါသိရေ I know a man Yehuda Amichai

အိမ်တအိမ် ထရံနားမှာ

ကျောက်တုံးနန့်တူအောင် ဆီးသုတ်ထားရေ အိမ်တအိမ် ထရံနားမှာ ဘုရားသခင်ကို ငါ အကြားအမြင်ရခရေ။ အရာလူတိကို ခေါင်းကိုက်အောင်ပျင်ရေ အအိပ်မရောက် ညဥ့်တညဥ့်က ငါ့ဦးနှောက်ထဲမှာကျခါ ပန်းအလှပချေတိကို ပွင့်စီရေ ပြီးကေ ခွီးတကောင်ပိုင်ပျောက်လားခရေ လူကို လူတယောက်ပိုင် ပြန်တွိပနာ အိမ်ကို ခေါ်လာကတ်ဖို့။ အချစ်က နောက်ဆုံး အခန်းမဟုတ်သိ။ ယင်းအခန်းပြီးကေ အရာ အခန်းတိကျန်သိရေ အဆုံးမဟိရေ ဇင်းခါ တလျှောက်မှာယေ။ Near the wall of a house Yehuda Amichai

လဘဲလွှာ ဧခြင်း