ငါလူတယောက်ကို သိရေ
အချစ်ခင်းခရေ အခန်း ပြတင်းကနီ
မြင်ရရေ မြင်ကွင်းကိုကျ
ဓါတ်ပုံရိုက်ပနာ
ယေမှာ သူချစ်ခရေ မိန်းမကိုကျကေ
ဓါတ်ပုံမရိုက်တေ
လူတယောက်ကို
ငါသိရေ
I know a man Yehuda Amichai
ဂရိကျောက်အိုး သာခြင်း
မင်း၊ အဖျက်ဆီးမခံရသိရေ ငြိမ်ဆိတ်စော်မှာ သမီးသျှင်။ မင်း၊ တိန်းနီစော်နန့် ကြာရေအချိန်မှာ မွီးစပ်အချေ၊ ပန်းပွင့်ဝီဝီဆာဆာနန့် ဒဏ္ဍာရီကို ငါရို့ ကာရန်တိထက် ပိုလို့ချိုသာအောင် အေမျိုးပြောဖို့တတ်တေ ကျွန်းသမိုင်းဆရာ။ တမ်ပိမှာလာ၊အာကာဒီက လျှိုတိမှာလာ နတ်တိလား၊လူသားတိလား၊နှစ်မျိုးလုံးလား ယင်းချင့်တိဟိနီရေ မင်းသဏ္ဍာန်မှာ ဝဲနီစော်က အရွက်တဝီဝီနန့် ဇာဒဏ္ဍာရီလေ အေချင့်တိက ဇာလူ ဇာနတ်တိလဲ ထွက်ပြီးနီစော် ဇာမိန်းမအချေလေ ဇာ အရူးပိုင်းလိုက်ဖမ်းနီစော်လေ ဇာ လွတ်အောင် ရုန်းနီစော်လေ ဇာ ပလွီ ဇာတံပိုးတိလဲ၊ဇာစိတ်ရူးရိုင်းလဲ။ ကြားရရေ တေးခြင်းတိက ချိုရေ၊ ယေလေ့ မကြားရရေ တေးခြင်းတိက ပိုလို့ပင် ချိုသိယင်။ ယေနန့် အဝေး နုညံ့ရေ ပလွီတိ၊ ဆက်လို့ရာ မှုတ်ကတ်၊ ကြားရရေ နားတိအတွက် မဟုတ်ပဲနန့် ယင်းထက်ပိုလို့ ချစ်ဖို့ကောင်းစော်အတွက် အသံမပါရေ မြူးမြူးကြွကြွတေးခြင်းတိကို မှုတ်ကတ်။ အပင်တိအောက်က အဝေ လူပျိုနုလှချေ မင်း တေးခြင်းကို မင်းထားခလို့ရလီဖို့ မဟုတ်ဗျာလ် ယင်းအပင်တိလေ့ တခါလေ့ အရွက်ကြွီလီဖို့က မဟုတ်ဗျာလ်။ အဝေ ဝံ့စားရေ ချစ်သူ၊ ပန်းဖူးကို ပေါက်ဖို့ပါးခါမှ တခါလေ့ တခါလေ့ မင်း နမ်းလီရဖို့မဟုတ်ဗျာလ်၊ ယေလေ့ ဝမ်းနည်းလို...
Comments
Post a Comment