Collige, Virgo, Rosas

နင့်အချေမှာ နာမည်မဟိ နင့်ဆံပင်မှာ အရောင်မဟိ နင့်မျက်နှာမှာ အသားမဟိ နင့်တိုင်းပြည်မှာ အလံဆယ်လံ နင့်အသံမှာ လျှာမဟိ နင့်စိတ်ကူးတိက မြွီပိုင် လျှောလားနီရေ နင့်မျက်လုံးတိက မလိုက် နင်က ပန်းစည်းတိကို စားရေ ထရံကြားမှာ သီးပေါက်တေ ခွီးတိကို အဆိပ်လူးထားရေ အမဲသားဝေးကျွေးရေ တင်းပုတ်တလက်နန့် လက်ကြားတိထဲမှာ ယောင်နီရေ နင့်ကို ငါမြင်ရေ ဇာသူ့ကိုမဆို ထိုးဖို့ ဓါးတလက်နန့် နင့်ကို ငါ မြင်ရေ နှလုံးသားတခုအတွက် ငါးခေါင်း လည်ရောင်းနီရေ နင့်ကို ငါမြင်ရေ မီးဆွဲတံကုဋေကုဋာ မီးတောက်တိနန့် နီပြင်းနီချိန် နောက်ဆုံးပေါ် တေးခြင်းတပိုဒ်ကို ညီးပနာ လက်ထဲမှာ အရက်တခွက်ကိုင်လို့ စားဖိုခန်းကနီ နင်လမ်းလျှောက်လို့ဝင်လတ်ဖို့ အနီရောင်အဝတ်ကျပ်ကျပ်ကို ဝတ်ပနာ ငါ့ကို ပြုံးပြယင်းနန့်လေ သာမန်တော့ မဟုတ် That One by Charles Bukowski

အချစ်ခင်းခရေ အခန်း ပြတင်းကနီ  မြင်ရရေ မြင်ကွင်းကိုကျ ဓါတ်ပုံရိုက်ပနာ ယေမှာ သူချစ်ခရေ မိန်းမကိုကျကေ  ဓါတ်ပုံမရိုက်တေ လူတယောက်ကို ငါသိရေ I know a man Yehuda Amichai

ကျောက်တုံးနန့်တူအောင် ဆီးသုတ်ထားရေ အိမ်တအိမ် ထရံနားမှာ ဘုရားသခင်ကို ငါ အကြားအမြင်ရခရေ။ အရာလူတိကို ခေါင်းကိုက်အောင်ပျင်ရေ အအိပ်မရောက် ညဥ့်တညဥ့်က ငါ့ဦးနှောက်ထဲမှာကျခါ ပန်းအလှပချေတိကို ပွင့်စီရေ ပြီးကေ ခွီးတကောင်ပိုင်ပျောက်လားခရေ လူကို လူတယောက်ပိုင် ပြန်တွိပနာ အိမ်ကို ခေါ်လာကတ်ဖို့။ အချစ်က နောက်ဆုံး အခန်းမဟုတ်သိ။ ယင်းအခန်းပြီးကေ အရာ အခန်းတိကျန်သိရေ အဆုံးမဟိရေ ဇင်းခါ တလျှောက်မှာယေ။ Near the wall of a house Yehuda Amichai

အို ဘုရားသခင် လဘဲလွှာကို ဂရုဏာထားတော်မူပါ။ မီးခိုးနန့် အဆိပ်သင့်နီရေ အေ အပင်တိအောက်ကို ကြည့်တော်မူပါ။ အားနည်းရေလူတိ အယစ်တိကို ပျော်ရွှင်မှု တချက်ချေ ပီးတော်မူပါ။ အို ဘုရားသခင် လဘဲလွှာကို ဂရုဏာထားတော်မူပါ။ တရက်ပြတ်လုံး သူရို့ ခိုးယူခကတ်၊ ကျိန်ဆဲခကတ်တေ။ ခု ထရံကပ်အိပ်စင်ချေတိမှာ သူရို့လဲနီကတ်၊ သူရို့ ဒဏ်ရာတိကို သူရို့လျက်နီကတ်တေ။ ပြီးကေ ပါရီမြို့ထက်မှာ အမှောင်ထု သိပ်သည်းလာစိုင် ခိုးယူခရေ သူရို့လက်ထိထဲမှာ သူရို့ မျက်နှာတိကို ဝှက်ထားကတ်တေ။ အို ဘုရားသခင် လဘဲလွှာကို ဂရုဏာထားတော်မူပါ။ သင့် ပဉာတ်တော်ကို သူရို့ နိစိုင် လိုက်နာခကတ်တေ။ ဂျုံပင်တိကို ရိတ်သိမ်းခကတ်တေ၊ မြီက ကျောက်မီးသွီးကို ထုတ်ယူခကတ်တေ။ ဇိသျှု မာရိ နာမတော်တိကို ရွတ်ယင်းနန့် ညီအစ်ကိုချင်းသွီးတိနန့် သူ့ရို့ကို သူရို့ ဘဘုတ်စွတ်အောင် တခါတလီပျင်ခကတ်တေ။ အရက်ဆိုင်တိထဲက သူရို့ ကကျော့ဆူသံတိ ဝှန်တက်နီရေ။ ယေစာက သူရို့၏ သင့်ဂုဏ်တော်ဖွဲ့ပျာ။ မိုင်းတိမှာ၊နှင်းထုမှာ၊ အပူမှာ၊ ကျုပ်တောမှာ၊ ပင်လယ်ရို့ အနက်အယှိုင်းမှာ သူရို့ ပျက်စီးခကတ်တေ။ သူရို့ကိုယ်တိုင်၏ အထက်သို့ သင့်ကို မြင့်တင်ပီးခစော်လေ့ သူရို့ပျာ။ သူရို့လက်တိနန့် သင့်မျက်နှာတော်ကို ထုဆစ်ခကတ်တေ။...

စွန့်စားခန်းတိ၊အသစ်တွိစော်တိနန့် ပြည့်နီရေ ခရီးရှည်တစ်ခုဖြစ်ဖို့ဆိုစော်ကို ဣသကာသို့ စလို့ထွက်ကတည်းကပင် မင်းမျှော်လင့်လို့ထားရဖို့ လူသားစားဘီလူးတိ၊ မျက်တလုံးဘီလူးတိ ပြီးကေ ရိုင်းရေ ပိုစီဒွင် ယင်းသူရို့ကို မင်း မကြောက်လီကေ့ မင်း စိတ်ကူးတိကို မြင့်မြင့်ထားနီသမျှ တွိရခဲရေ စိတ်လှုပ်ယှားမှုက မင်း စိတ်နန့် ခန္ဓာကို လှုံဆော်နီသမျှ ယင်းပိုင် သတ္တဝါတိကို မင်း ခရီးတလျှောက်မှာ တခါလေ့ တွိလီဖို့မဟုတ် လူသားစား ဘီလူးတိ၊မျက်တလုံးဘီလူးတိ ပြီးကေ ဒေါသကြီးရေ ပိုစီဒွင် မင်းစိတ်ထဲမှာ ယင်းသူရို့ကို မယူလာခကေ မင်းစိတ်က ယင်းသူရို့ကို မင်းရှိမှာ မထားခကေ ယင်းသူရို့ကို မင်းတွိလီရဖို့စော်မဟုတ် ခရီးစဉ်က ကြာဖို့ဆိုစော် မျှော်လင့်လို့ရာထား ပျော်ပျော်ရွှင်ရွှင် ကြည်ကြည်နူးနူးနန့် မင်း ပထမဆုံး မြင်ဖူးရေ ဆိပ်ကမ်းတိမှာ ကပ်တေ နွီမိုးထထိ အများကြီး ဟိချင်လေ့ ဟိဖို့ အမိပုလဲ သန္တာ ပယင်း သစ်မာ ရီမွှီး အမျိုးမျိုး မင်းနိုင်ဆီ ပစ္စည်းကောင်းတိ ဝယ်ဖို့ ဖီနီသျှန် ကုန်သွယ်စခန်းတိမှာ ဟပ်ခါလေ့ ဟပ်ရဖို့ ပညာသျှင်ရို့ဘားက အသိပညာ တပုံတပင် ရဖို့ အီဂျစ်မြို့တိ အများကြီးကို ရောက်ချင်လေ့ ရောက်ဖို့ မင်းစိတ်ထဲမှာ ဣသကာ ကို ရက်ပြတ်ထည့်ထား ယင်းကို...

ပရိုမီးသီးယပ်စ်က သူ့ဘဝမှတ်တမ်းကို ရီးနီရေ။ယင်းမှတ်တမ်းမှာ လိုအပ်တေစနစ်တခုထဲက သူရဲကောင်းတယောက်၏ အနီအထားကို ယှင်းပြဖို့ သူ ကြိုးစားရေ၊ ဖြစ်ဟိမှုနန့် ကံ ကြမ္မာရို့၏ အချင်းချင်း ပဋိဖြစ်တေ အယူအဆတိကို အညမညကျအောင် သူ ကြိုးစားရေ။ မီးလင်းဖိုမှာ မီးက ပျော်ပျော်ရွှင်ရွှင်နန့် တခြွတ်ခြွတ်မြည်နီရေ။စားဖိုခန်းမှာတော့ခါ သူ့အိမ်သျှင်မက အလုပ်များနီရေ။ ကောင်းစိတ်လိုလက်ရဟိရေ ကလေ့မေချေပါ၊ သားတယောက်မမွီးပီးခနိုင်ကေလေ့ တနည်းတဖုံနန့်တော့ခါ သူလေ့ သမိုင်းထဲမှာ ပါလာဖို့စော်ရာလို့ ကိုယ့်ဖာသာကိုနှစ်သိမ့်ထားရေ မိန်းမချေပါရာ။ ညဇာဖက်ထမင်းစားပွဲအတွက် ပျင်နီဆင်နီကတ်တေ၊ ယင်းစားပွဲကို ရွာက ဘုန်ကြီးနန့် ဆီးသမားတယောက်ကိုဖိတ်ထားရေ။ယင်းဆီးသမားက အခုအချိန်မှာ ပရိုမီးသီးယပ်စ်အတွက် အရင်းနှီးဆုံး မိတ်ဆွေ။ မီးလင်းဖိုမှာ မီးက တခြွတ်ခြွတ်မြည်နီရေ။ ထရံထက်မှာ အစာသွတ်ထားရေ လင်းယုန်တကောင်၊ ပြီးကေ ကော့ကေးဆပ်က သျှင်ဘုရင်အဆိုးတယောက်ဘားက ကျေးဇူးတင်စာတစောင်။သူက ပရိုမီးသီးယပ်စ်လုပ်ခရေ တီထွင်မှု ကျေးဇူးနန့် သပုန်မြို့တမြို့ကို မီးတိုက်ရာမှာ အောင်မြင်ခရေလူ။ ပရိုမီးသီးယပ်စ်က ကိုယ့်ဖို့ကို ဟဟချေ ရယ်ရေ။ယင်းပိုင်ရယ်စော်က အခု သူနန့် ကမ္ဘာနန့် ရန်ဖြစ...

ပရိုမီးသီးယပ်စ် နီရာကျယ်ရေ မင်း နတ်ပြည်တိကို မြူမိုးရိပ်တိနန့် ဖုံးထားလီပါဝေ ဇီယု။ သစ္စတယ်ပန်းခေါင်းတိကို ဖဲ့နီရေ အချေပိုင် ဝက်သစ်ချပင်တိ၊ တောင်ထိပ်တိနန့်ရာ ခြီနီလီပါဝေ။ ယေလေ့ အကောင်းဟိနီသိရေ ငါ့ကမ္ဘာကို မင်းချန်ထား၊ မင်း မဆောက်ခရေ ငါ့အိမ်ကုပ်ချေကို မင်းချန်ထား၊ ငါ့ မီးလင်းဖိုချေကို ငါ့အတွက် မင်းချန်ထား၊ ယင်းမီးဖိုက ကြင်နာတတ်တေ မီအလင်းကို မင်းမနာလိုခစော်လေ။ မင်းရို့ နတ်တိလောက် သနားဖို့ကောင်းစော် တယောက်လေ့ မဟိမှန်း ငါသိရေ။ မင်းရို့က ယဇ်ပူဇော်စော်တိ ကတိခံ ဆုတောင်းစော်တိနန့် မင်းရို့သခင်ကို အာဟာရဖြည့်ပီးကတ်တေ။ အချေတိနန့် သတောင်းစားတိကရာ ယုံလွယ်ရေ အရူးတိမဟုတ်ခကေ မင်းရို့ ငတ်လို့ဟိလီကတ်ဖို့။ အချေခါ၊ဘဝအကြောင်းမသိသိခါ လမ်းသလားနီရေ ငါ့အကြည့်ကို နီဘားသို့လှည့်ခဖူးရေ၊ ငါ့ကျွီးငိုသံတိကို ကြားရေ နားတဘက် ငါ့နှလုံးသားပိုင် ဖိစီးမှုတိကို ထောက်ထားခံစားနိုင်ရေ နှလုံးသားတခု သူနန့် တူတူ ဟိလီဖို့ဆိုရေအထင်နန့်လေ။ တိုင်တန်တိမိုက်ရိုင်းမှုကနီ ငါ့ကို အသူ ကူညီခလေ။ သေချာရေ သီခြင်းနန့် ကျွန်လုပ်ခံရစော်ကနီ ငါ့ကို အသူ ကယ်ခလေ။ အဝေ လင်းနီထိန်နီရေ မြင့်မြတ်တေ ငါ့နှလုံးသား အေချင့်တိအားလုံးကို မင်းဖာသာမင်းရာ လုပ်ခရစော်...

  မင်း၊ အဖျက်ဆီးမခံရသိရေ ငြိမ်ဆိတ်စော်မှာ သမီးသျှင်။ မင်း၊ တိန်းနီစော်နန့် ကြာရေအချိန်မှာ မွီးစပ်အချေ၊ ပန်းပွင့်ဝီဝီဆာဆာနန့် ဒဏ္ဍာရီကို ငါရို့ ကာရန်တိထက် ပိုလို့ချိုသာအောင် အေမျိုးပြောဖို့တတ်တေ ကျွန်းသမိုင်းဆရာ။ တမ်ပိမှာလာ၊အာကာဒီက လျှိုတိမှာလာ နတ်တိလား၊လူသားတိလား၊နှစ်မျိုးလုံးလား ယင်းချင့်တိဟိနီရေ မင်းသဏ္ဍာန်မှာ ဝဲနီစော်က အရွက်တဝီဝီနန့် ဇာဒဏ္ဍာရီလေ အေချင့်တိက ဇာလူ ဇာနတ်တိလဲ ထွက်ပြီးနီစော် ဇာမိန်းမအချေလေ ဇာ အရူးပိုင်းလိုက်ဖမ်းနီစော်လေ  ဇာ လွတ်အောင် ရုန်းနီစော်လေ ဇာ ပလွီ ဇာတံပိုးတိလဲ၊ဇာစိတ်ရူးရိုင်းလဲ။ ကြားရရေ တေးခြင်းတိက ချိုရေ၊ ယေလေ့ မကြားရရေ တေးခြင်းတိက ပိုလို့ပင် ချိုသိယင်။ ယေနန့် အဝေး နုညံ့ရေ ပလွီတိ၊ ဆက်လို့ရာ မှုတ်ကတ်၊ ကြားရရေ နားတိအတွက် မဟုတ်ပဲနန့် ယင်းထက်ပိုလို့ ချစ်ဖို့ကောင်းစော်အတွက် အသံမပါရေ မြူးမြူးကြွကြွတေးခြင်းတိကို မှုတ်ကတ်။ အပင်တိအောက်က အဝေ လူပျိုနုလှချေ  မင်း တေးခြင်းကို မင်းထားခလို့ရလီဖို့ မဟုတ်ဗျာလ် ယင်းအပင်တိလေ့ တခါလေ့ အရွက်ကြွီလီဖို့က မဟုတ်ဗျာလ်။ အဝေ ဝံ့စားရေ ချစ်သူ၊ ပန်းဖူးကို ပေါက်ဖို့ပါးခါမှ တခါလေ့ တခါလေ့ မင်း နမ်းလီရဖို့မဟုတ်ဗျာလ်၊ ယေလေ့ ဝမ်းနည်းလို...

      အသားစိမ်းတိချည်းဗျာလ် ရောင်းရေ လမ်းတလမ်းဟိရေ ပြီးကေ အဝတ်အစားတိ၊ရီမွှီးတိချည်းဗျာလ် ရောင်းရေ လမ်းတလမ်းဟိရေ ပြီးကေ ဒုက္ခိတတိ၊မျက်ကန်းတိ ၊အနာကြီးတိအပြည့်နန့်လူတိ၊ အကြောဆွဲတိ၊နှုတ်ခမ်းအယွဲ့နန့် လူတိကိုချည်းဗျာလ် ငါ မြင်ရရေ ရက်လေ့ဟိရေ ဒေမှာ အိမ်တလုံးဆောက်ကတ် ထိုမှာ ဖျက်ကတ်တေ ဒေမှာ  မြီကို တူးကတ် ပြီးကေ ထိုမှာ အာကာကိုတူးကတ်တေ ဒေမှာ ထိုင်ကတ် ပြီးကေ ထိုမှာ လမ်းလျှောက်ကတ်တေ ဒေမှာ ချစ်ကတ် ပြီးကေ ထိုမှာ မုန်းကတ်တေ တိုးရိစ်စာအုပ်ကြောင့်ဖြစ်ဖြစ် ဘုရားစာအုပ်ကြောင့်ဖြစ်ဖြစ် ဂျေရုဆလင်ကို ချစ်တေ လူဆိုစော်က လိင်ဆက်ဆံပုံလက်စွဲစာအုပ်ကို ကိုင်ပနာ  မိန်းမတယောက်ကို ချစ်တေလူနန့် တူတူဗျာလ်ရာ။ Love of Jeruslam Yehuda Amichai