ကမ္ဘာ့နိဂုံး ရတု

ကမ္ဘာ နိဂုံးချုပ်တေနိမှာ

ပျားတစ်ကောင်က ကလိုဘာပင်ကို ပတ်လို့ပျံနီရေ

ငါးဖောက်သည် တစ်ယောက်က အရောင်တလက်လက် ပိုက်ကို ဖာနီရေ

ပျော်ကြီးကျ လင်းပိုင်တိ ပင်လယ်မှာ ခုန်နီကတ်တေ

ရီတရှောက်ဘေးမှာ စာစိကေတိ ကစပ်နီကတ်တေ

ရက်ပြတ်  ဖြစ်သင့်ရေ အတိုင်းဗျာလ်   မြွီက ရွှီရောင် အရီခွံနန့်

ကမ္ဘာ နိဂုံးချုပ်တေနိမှာ

မိန်းမတိ ထီးဆောင်းပျာလ် လယ်ပြင်သန်းနီကတ်တေ

ယစ်ဖွေတစ်ယောက် မြက်ခင်း အစွန်မှာ အိပ်ငိုက်နီလီရေ

ဟင်းသည်တိ လမ်းထက်မှာ အော်ရောင်းနီကတ်တေ

ရွက်ဝါလောင်းတစ်စင်း ကျွန်းနားသို့ ပါးလာရေ

တယောသံ တစ်သံ လီထဲမှာရွှင့်လို့

ကြယ်ပေါက်ညဉ့် တစ်ညဉ့်သို့ထိ ဆောင်လာရေ

လျှပ်စီး နန့် မိုးကြိုးကို မျှော်ခရေလူတိ စိတ်ပျက်လားခကတ်တေ

နမိတ်ကြီး နန့် တမန်တော် တံပိုးကို မျှော်ခရေလူတိ  စိတ်ပျက်လားခကတ်တေ

ခု ဖြစ်ပျက်နီဗျာလ်  ဆိုစော်ကို မယုံကတ်

နီ နန့် လ အထက်မှာ ဟိနီသမျှ

ပျားပတုံးတိ နှင်းဆီဘားသို့ ရွာလည်နီသမျှ

အချေရဲရဲချေတိ မွီးနီနီသမျှ

ခု ဖြစ်ပျက်နီဗျာလ် ဆိုစော် တစ်ယောက်လေ့ မယုံကတ်

ခေါင်းဖြူဝါကြီးတစ်လုံးရာ ပရောဖတ်ဖြစ်ဖို့လူ

ခုတော့မဖြစ်သိ သူကလေ့ ကောင်းအလုပ်များနီရေ

ခရမ်းချိုင်သီးကို စည်းယက်ပင်း တပြတ်ပြတ်ပြောနီရေ

ကမ္ဘာမှာ တခြား နိဂုံးချုပ်မဟိ

ကမ္ဘာမှာ တခြား နိဂုံးချုပ်မဟိ

A song on the end of the world