လှီကားထိပ်က
ဟုတ်တေ
လှီကားထိပ်မှာ ရပ်နီရေ လူတိက သိကတ်တေ
သူရို့ အားလုံးကိုသိကတ်ပါရေ
အကျွန်ရို့ကျခါ တမျိုး
ရင်ပြင်တိမှာ အိမ်လှဲလှဲရေလူတိ
ပိုကောင်းရေ အနာဂတ်တခုဘားမှာ ပြန်ပီးဆွဲခံရရေလူတိ
လှီကားထိပ်မှာ ရပ်နီရေ လူတိက
အကျွန်ရို့ဘားကို မပေါ်လာသလောက်
(ပေါ်လာပြန်ကေလေ့)
ယှူးတိုးတိုးချေဆိုရေ လက်ညိုးက ရက်ပြတ် သူရို့ပါးစပ်ရှိမှာ
အကျွန်ရို့က စိတ်ရှည်ပါရေ
အကျွန်ရို့အိပ်သျှင်မတိက တနင်္ဂနွီမှာဝတ်တေ အဝတ်အစားတိကို အပေါက်ဖာကတ်တေ
အကျွန်ရို့က ရိက္ခာရာသျှန်
ဘော်လုံး ဖိနပ်စျီးနှုန်းတိအကြောင်းကို ပြောကတ်တေ
စနီနိမှာ ခေါင်းကို နောက်လှန်ထားပနာ သောက်ကတ်ယက်ပင်းလေ
လက်သီးတိကို တင်းတင်းဆုပ်ကတ်
ချိုင်ကြိုးတိကို ဒေါသနန့်ခါကတ်
သူပုန်ထဖို့ တိုက်တွန်းကတ်ယက်ပင်း
အပြင်းအထန်စိတ်တက်ကြွပနာ
စကားတိပြော မီးခွန်းတိထုတ်ကတ်တေ
မတန့်တန်း စကားပြောကတ် မီးခွန်းထုတ်ကတ်တေ လူတိကမဟုတ် အကျွန်ရို့က
သူရို့ဝါထုက အေပိုင်
ငါရို့ လှီကားထက်ကို ပြီးတက်ကတ်ဖို့
မုန်းတိုင်းတိုက်ပိုင် သူရို့ ဖမ်းပလိုက်ဖို့
လှီကားထိပ်က လူရို့မှာ ခေါင်းတိ
လှီကားအတိုင်း လိမ့်လို့ဆင်းလာဖို့
နောက်ဆုံးမှာ ငါရို့စိုက်ကြည့်ကတ်ဖို့
ယင်းအမြင့်ကြီးထက်ကနီ မြင်ရစော်တိကို
အနာဂတ်ကို
ဗလာသုညကို
လိမ့်လို့ဆင်းလာရေခေါင်းတိကို အကျွန်ရို့ကမြင်ချင်စိတ်မဟိ
ခေါင်းတိက ဇာပိုင် အလွယ်ကာသား ပြန်ပေါက်တတ်တေဆိုစော်ကို
အကျွန်ရို့က သိနီစော်ကို
ထိပ်မှာက ရက်ပြတ်ဟိနီလီဖို့စော်ပျာလ်
တယောက် နှစ်ယောက်က
အောက်ခြီမှာ အိမ်လှဲတိ ဂေါ်ပျတိနန့် မဲနီချိန်မှာ
တခါတရီ အကျွန်ရို့ အိမ်မက် မက်ကတ်တေ
လှီကားထိပ်ကလူတိ
ဆင်းလာကတ်ဖို့
အကျွန်ရို့ဘားကို
အကျွန်ရို့က သတင်းစာကို အောက်မှာခံပနာ ပေါင်မုန့် မွှားနီကတ်ခါ
သူရို့က ပြောဖို့
ခု စကားပြောကြည့်ကတ်မေ
လူ လူချင်း
ပိုစတာတိမှာ အော်နီကတ်စော်က အမှန်မဟုတ်
အမှန်တရားကို
တင်းတင်းစိထားရေ ပါးစပ်တိထဲမှာ ငါရို့ဆောင်ထားစော်
ယင်းချင့်က ရက်စက်တေ ကောင်းလေ့ လီးရေဝေရို့
ဝန်ထုပ်ဝန်ပိုးကို ငါရို့ဖာသာရာ ငါရို့ ထမ်းထားရစော်
ငါရို့ မပျော်ပါဝေ
ငါရို့ အေနီရာမှာ ဝမ်းမြောက်ဝမ်းသာနီချင်ယင့်
အမှန်က အေချင့်က အိမ်မက်တိရာ
အဂင့်ဖြစ်ချင်ကေ ဖြစ်လာဖို့
မဖြစ်လာချင်လေ့ မဖြစ်
ဆိုခါ အကျွန်ရို့ ဆက်လို့ရာ ထွန်ယက်နီရဖို့
အကျွန်ရို့ အညှက်ဆိုးရင်ပြင်ကို
ကျောက်ရင်ပြင်ကို
ခေါင်းပေါ့ပေါ့နန့်
နားနောက်မှာ ဆီကလိပ်တလိပ်နန့်
နှလုံးသားမှာ မျှော်လင့်ချက် တစက်လေ့မဟိပဲနန့်
From the Top of the Stairs by Zbigniew Herbert
Comments
Post a Comment