တဒ် ဘယ်ရီဂန်
စစ်ဆန့်ကျင်ကဗျာ
နယူးယီးယား အကြိုရက်၊ ၁၉၆၈
ဆုံးဖြတ်ချက် ထွက်ရဖို့ အချိန်။
အန်ဂျယ်ဘာ့ ဟင်ပါဒင့်*ကို ငါမကြိုက်။
အင်ခရေဒီဘယ် စထရင်းဘန်းကို ငါချစ်တေ။
စစ်က ဆက်ဖြစ်နီရေ
ပြီးကေ စစ်က လဝရာ။
မင်းကိုငါ ဒီဇင်ဘာတေးခြင်းတပုဒ်ဆိုပြဖို့။
အေနိညဥ့်အိုင်အိုဝါစီးတီးမှာ သုညအောက် ၅ ဒီဂရီ။
အေနှစ် နွီးနွီးထွီးထွီးအခန်းတခန်း ငါတွိထားခလို့
လုံးချင်းထဲ နီလို့ရပနာ
တခါလေ့ တိုက်နီဖို့မလို။
ယင်းအခန်းထဲမှာ ငါမနီခ။
သီစော်အကြောင်း ငါ ကောင်းအများကြီးစဥ်းစားခရေ
ပြီကေ ထားလိုက်ပါဝေ လို့ပြောခရေ။
AntiWar Poem Ted Berrigan
*Engelberg Humperdinck a British Pop Singer
**The Incredible String Band a British Psychedelic band
တနင်္ဂနွီမိုးထ
၁
အချက်အလက်တခု
ကြောင်တကောင်ကို အခါ ၁၀၀၀၀၀၀ပွတ်ကေ
ကမ္ဘာမှာ အကြီးဆုံး အမေရီကန် အလံကို တမီနိလောက် လင်းအောင်ပျင်နိုင်ရေ လျှပ်စစ်စွမ်းအားကို ထုတ်နိုင်ဖို့
၂
လုံးဝအပြောင်းအလဲ
အယင်ခေတ်တိမှာ အိမ်ထောင်ရေးဖောက်ပြန်ရေ လူတိကို ကျောက်ခဲပစ်သတ်ကတ်တေ
ခုခေတ်မှာကျကေ အကြီးအကျယ် စိတ်ပျက်ဖို့ကောင်းစော်တခုရာ
၃
မွန်ဂိုးလီးယား ဝက်အူချောင်း
အဓိပ္ပါယ်သတ်မှတ်ချက်အရ စတော်ကိန် အရှည်တဖက်
ယင်းချင့်မှာ ချီးအပြည့်ထည့် အပေါက်တိဖောက် ပြီးကေ အားလုံးသူ အိပ်ပြန်ကတ်တေ အထိ ယင်းချင့်ကိုခေါင်းထက်မှာ ပတ်ပနာမွိ
Sunday Morning Ted Berrigan
နိတိုင်း ငါလုပ်စော် ၁၀ခု
အိပ်ရာထ
မားယှူ
ကြောင်ကိုကြည့်
ငါ့မယားကိုချစ်
ဖရန့်အကြောင်းစဥ်းစား
မိုးထထမင်းစား
ဆူဆူပူပူလုပ်
တေးခြင်းဆို
အပြင်ထွက်
လမ်းတိကိုတူး
ညဇာထမင်းစားဖို့ အိမ်ပြန်
ပို့စ် သတင်းစာဖတ်
သီးပေါက်
အချေနှစ်ယောက်
သွားခြဲပြ
စာအုပ်တိဖတ်
ငါ့သူငယ်ချင်းတိကို တွိ
လပွန်တီး
ပတ်ဆီတလုံးသောက်
ပျောက်
10 things i do everyday ted berrigan
Comments
Post a Comment