နော့သ်*ခြံ
တနီနီရာက တယောက်ယောက်က နင့်ဘားကို အသဲအသန်လာနီဗျာလ်။
မယုံနိုင်လောက်တေ အလျင်နှုန်းနန့် ညဥ့်မအား ရက်မနားလာနီဗျာလ်၊
နှင်းမုန်တိုင်းတိနန့် အပူကန္တာရကို ဖြတ်လို့
ရီစီးကြမ်းတိနန့် တောင်ကျိုင်ကြားတိကို ဖြတ်လို့။
ယေလေ့ နင့်ကို ဇာမှာရှာရဖို့ သူသိလီဖို့လား၊
တွိဗျာလ်ဆိုကေက နင်မှန်းသိလီပါဖို့လား၊
နင့်အတွက် သူ့မှာပါလာစော်ကို နင့်ကို ပီးလီပါဖို့လား။
အေမှာက တခုလေ့ မပေါက်သလောက်ဗျာလ်၊
ယေလေ့ ကျီတိမှာ အစားအစာတိ ဝှန်တက်နီရေ၊
အစားအစာအိတ်တိက ခေါင်ပုပ်အထိပုံနီရေ။
ချောင်းချေတိက အချိုဓါတ်နန့်စီးနီပနာ ငါးတိကို ဝတုတ်အောင်ပျင်ရေ။
အာကာက ငှက်တိနန့်မိုက်နီရေ။
ညဥ့်ခါသား နို့တဟင်းဇား ခင်းပီးရုံနန့် လုံလောက်လီပါဖို့လား။
သူ့အကြောင်းကို ငါရို့ တခါတလီစဉ်းစားကတ်ရုံ
တခါတလီပါ ရက်ပြတ်ရက်ပြတ်ပါ ဒွိဟခံစားချက်တိနန့်စဥ်းစားကတ်ရုံနန့် လုံလောက်လီပါဖို့လား။
At North Farm John Ashbery
* North farm ဆိုရေ နာမည်က ဖင်လန် ဒဏ္ဍာရီ တခုထဲက နီရာတခုကို ညွှန်းစော်ဖြစ်နိုင်ရေ ဆိုပနာပြောကတ်တေ
အေချင့်ကို မသိကေလေ့ အေကဗျာကို ဆက်ဖတ်ဖို့ အနှောင့်အယှက်မဖြစ်ထင်ပါရေ သာမန် စိုက်ပျိုးရေးခြံတခြံဆိုပနာ ထားလိုက်လို့လေ့ ရဖို့ထင်ပါရေ
AB ကဗျာအင်တန်များများမှာ တွိရရေ အတိုင်းဗျာလ် မသေချာရေ လူတိ နာမ်စားတိကို အေမှာလေ့တွိရရေ နောက် အထက်ပိုဒ် အောက်ပိုဒ်ကြားမှာ အဆက်အစပ်မဟိပိုင် မဆိုင်ပိုင် ဖြစ်နီစော် He နန့် She နန့် အကြောင်းကို ပြောနီယက်ပင်း Weက ဝင်လာစော် အရာလူတိအကြောင်းထဲမှာ ငါရို့ပါ ဝင်ပါလာစော်
မသေချာရေ ခရီးတခုကိုတော့ ထွက်လာကတ်ဗျာလ် ဒုက္ခဆင်းရဲကို ဖြတ်လို့ လားနီကတ်ဗျာလ် ပန်းဖူးကိုရောက်ကေတောင် ပန်းဖူးမှန်းသိဖို့မသိဖို့ မရေရာရေ မသေချာမှု
Helen Vendler ကသီမင်းလတ် သူ့စကားအရဆိုကေ ဆန်ရေစပါးပေါရေ အဖြုန်းမြေက ဇာလေ
အေကဗျာကို ဇေယျာလင်း ဗမာပြန်ပြီးသားဟိပါရေ
Comments
Post a Comment